piątek, 15 grudnia 2017

Cura pedum

Heri, prima vice in vita mea, ad mulierem ivi, quae ungues pedum pedesque ipsos curat, quae cura apud nos more Gallico nominatur pedicure. Semper putabam hanc rem 100% muliebrem esse aut fortasse quoque rem virorum nimis luxuriosorum, de capsula totorum etc. Sed verum est, ultimis annis animadverti ungues pedesque meos peius se habere quam antea.
Quid dicam? Post curam 40 minutarum levamen sentio haud parvum, ambulatio mihi est plus minusve 10% facilior. Ceterum, didici me semper male ungues secasse: nam secabam eos quam brevissime, at - docet mulier - ungues quoque functionem suam habent: digitis protegendis sunt. (Sicut capilli capiti.)

Brak komentarzy:

Prześlij komentarz