piątek, 4 grudnia 2015

De andrealibus (brevissime)

Ut caelibes (pueri) die sanctae Catherinae, ita puellae innuptae paucos dies postea, festa scilicet sancti Andreae, divinationes habere solent de futuro matrimonio. (Quem diem sancti Andreae modo hoc anno habuimus – videlicet semper sero scribo.)
Mos andrealium etiam hodie valet ac multis puellis pergratus manet; aliter quam catherinalia, quae hodie plerumque iam (nisi ruri) non observantur.

Prout sciam, puellae tempore "sacrorum" imprimis ceram per aurem clavis fundunt in aquam – formas cerae, quas hoc modo obtinent, credunt aliquid dicere de futuro marito (quasi figurae aut faciei eius similes). Si autem nulli rei similis sit cera, conantur eam sub luce lampadis modo hac modo illac ponere, ut saltem umbra cerae aliquas coniecturas det. Talis tamen maritus sub umbra natus non tam certior putatur ut "verus", qui scilicet iam in aqua speciem suam praebet.

Brak komentarzy:

Prześlij komentarz