poniedziałek, 18 maja 2015

De fluminibus paradisiacis

Varii homines varie interpretati sunt nomina biblica quattuor fluminum paradisi Eden, varissimis in locis ea re vera fuisse/esse putantes. Sacerdos Geoffrey Wilson (persona certe ficticia), unus 21 narratorum libri "Epibatae Angli" (English Passengers), auctore Matthew Kneale (liber in lucem editus anno 2000), putat (anno 1857) haec flumina in... Tasmania insula poni, ductus similitudine nominum biblicorum et aboriginum Tasmaniensium - quorum ceterum iam tunc, medio in saeculo XIX, nemo fere vivus mansit – qui sua lingua quattuor sua flumina nuncuparent: Ghe Pyrrenne (quasi Euphrates), Gonovar (Gichon), Pewunger (Pishon), Liddywydeve (Chiddekel).

Mihi similitudo haec non satis esse videtur, ut iter Tasmanicum faciam, quod iter sacerdos Wilson fecisse dicitur. Ceterum certe libenter Tasmaniam viserem. 
At liber a Matthew Kneale periucunde scriptus est!

Brak komentarzy:

Prześlij komentarz