Audivi a quodam amico, rerum alterius belli mundani sat
perito, spatio annorum 1941-44 et Britannos acta diurna Germana, et Germanos
ephemerides Britannicas obtinuisse celerius omnium aliorum locorum Olisipone
(vulgo: Lisboa), quae erat (et adhuc
est) urbs capitalis Lusitaniae (=Portugaliae). Decursu temporis aeronaves
inimicorum coepisse eodem fere tempore ad aeriportum Olisiponense appellere
atque etiam in eodem fere puncto stitisse, ut celerius hi illorum, illi horum
nuntiorum certiores facti essent.
Utrum hoc verum sit an phantasia, nescio.
Brak komentarzy:
Prześlij komentarz